Phonak Night

Svefntappar úr mjúku ofnæmisprófuðu sílikoni, framleiddir eftir nákvæmu máti af eyrum notandans.

Lýsing

Góður svefn er mikilvægur fyrir líkama og sál. Svefnskortur getur haft neikvæð áhrif á ónæmiskerfi líkamans, einbeitingu, minni og námsgetu. Hann getur einnig haft neikvæð áhrif á skap, og starfsgetu. Orsakir svefnleysis geta verið margar t.d óreglulegur vinnutími, maki sem hrýtur, hávaðasamir nágrannar eða truflandi hávaði frá bílaumferð.

Phonak Night svefntapparnir eru úr mjúku ofnæmisprófuðu sílikoni og eru framleiddir eftir nákvæmu máti af eyrum notandans sem tryggir að þeir sitji þétt og þægilega, jafnvel klukkustundum saman.

Phonak Night svefntapparnir tryggja frið frá óþægilegum hávaða og svefn hvenær sem er sólarhringsins, án þess þó að einangra notandann algjörlega frá umhverfinu. Notandinn heyrir í dyrabjöllu, vekjaraklukku eða reykskynjara þó tapparnir séu í eyrunum. Það er mjög hreinlegt að nota svefntappana og auðvelt að þrífa þá með vatni. Hægt er að fá svefntappana í mismunandi litum.

Phonak Night svefntapparnir geta bætt lífsgæðin svo um munar.

Phonak Night svefntappana er einnig gott að nota á ferðalögum, þegar ferðast er með rútu, lest eða flugvél og alls staðar þar sem umhverfishávaði er of mikill.