Phonak Primero

Tveggja rása hlustarstykki með innbyggðri virkri hávaðadempun fyrir talstöðvar.

Lýsing

Phonak Primero er hlustarstykki fyrir talstöðvar. Við löggæslu, neyðarþjónustu og öryggisgæslu eru gerðar miklar kröfur um skýr og örugg samskipti í gegnum talstöðvar. Primero er tveggja rása hlustarstykki með innbyggðri virkri hávaðadempun fyrir talstöðvar og er sérstaklega sniðið að þörfum þessara fagstétta.

Í stað hefðbundins svanaháls hljóðnema, sem staðsettur er við munn notandans, er Primero búið hljóðnema sem situr í sjálfu hlustarstykkinu og nemur þaðan enduróm raddarinnar úr hlustinni með svo kallaðri VIP-tækni (Voice intra-aural picup).

Ytri hljóðnemi Primero nemur styrk umhverfishljóða og eru þær upplýsingar síðan notaðar við hina virku hávaðadempun. Þetta tryggir að óæskileg umhverfishljóð berast ekki inn í kerfið og því sendir tækið skýr talskilaboð. Á sama tíma tryggir lögun Primero að hlustarstykkið situr vel og þægilega í eyra notandans og innkomandi skilaboð heyrast vel.

  • Framúrskarandi hljómgæði og talskilningur, bæði fyrir notendur og aðra sem tengjast kerfinu.
  • Virk hávaðadempun
  • Situr vel og örugglega í eyra notanda
  • Vinnuvæn og þægileg hönnun
  • Hægt að nota undir hjálma og grímur
  • Mikið úrval af PTT (Push To Talk) möguleikum
  • Samhæft með öllum gerðum talstöðva