Þjónusta sniðin að þörfum tónlistarfólks

Meðal tónlistarmanna og aðila innan tónlistariðnaðarins hefur vitund um hættuna á heyrnarskerðingu af völdum of mikils hávaða aukist. Þrátt fyrir það skortir því miður enn á að tónlistarmenn og aðrir innan greinarinnar verndi heyrn sína nægilega.

Við hjá Heyrðu höfum þróað heyrnarþjónustu sem er sérsniðin að þörfum tónlistarmanna, tónlistarkennara og tónlistarnemenda.

  • Megin áherslur þjónustunnar eru að auka á vitund og skilning meðal tónlistarmanna á skaðlegum áhrifum of mikils hávaða á heyrn.
  • Vekja athygli á ákvæðum löggjafar um hljóðstyrk á vinnustöðum.
  • Veita fræðslu um starfsemi eyrans og hvernig eyrað vinnur.
  • Veita ráðgjöf við val á heyrnarvörnum og tryggja rétta notkun þeirra.
  • Veita reglubundið eftirlit með heyrn og endurhæfingaráætlun ef þörf krefur.
  • Draga úr líkum á heyrnarskaða.

Vinnuskilyrði tónlistarkennara geta verið mjög krefjandi hvað varðar hljóðstyrk. Í vissum tilfellum verður hljóðstyrkurinn mjög mikill og getur haft skaðleg áhrif, bæði á heyrn kennara og nemanda.

Það er ekki einungis hljóðstyrkurinn sem skiptir máli heldur einnig tíminn sem viðkomandi dvelur í hávaðasömu umhverfi. Hættan á heyrnarskaða af völdum hávaða eykst því þegar árin líða. Með aðstoð mælibúnaðar og með viðurkenndum aðferðum er hægt að bæta verulega hlustunarskilyrði í rýmum eins og kennslustofum og þannig draga úr hættunni á heyrnarskaða. Þessar aðgerðir draga ekki úr hlustunarmöguleikum kennara eða hafa neikvæð áhrif á samskipti við nemendur.

Við getum hjálpað þér að fylgjast með og stjórna hljóðstyrknum, bæði með réttum búnaði og bestu aðferðunum til að lágmarka líkurnar á skaða, án þess að hafa áhrif á getu þína til að hlusta og hafa eðlileg samskipti við nemendur. Mælir sem fylgist með hljóðstyrknum og sérsmíðaðar heyrnarsíur geta gert gæfumuninn.

Við bjóðum upp á hljóðstyrksmælingar í kennslustofum eða tónleikasölum og setjum saman áætlun fyrir þig og nemendur þína. Í þessu ferli aðstoðum við þig við að auka meðvitund nemenda þinna um skaðleg áhrif of mikils hljóðstyrks á heyrn og á þann hátt gefum við þeim bestu möguleika á að forðast heyrnarskaða í framtíðinni.

Meðal samstarfsaðila okkar má nefna Sinfóníuhljómsveit Íslands, Menntaskólann í tónlist (MÍT) og Tónlistarskóla Reykjanesbæjar.

TÍMABÓKUN / FYRIRSPURN

Vinsamlegast takið fram þá dagsetningu sem óskað er eftir og hvenær tíma dags. Ekki er alltaf hægt að verða við óskum um tíma. Svarpóstur er sendur með tillögu að tíma sem er laus. Til að festa þann tíma þarf að senda svar til baka.