ÞETTA ERUM VIÐ
Við hjá HEYRÐU leggjum áherslu á að veita góða, faglega og persónulega þjónustu. Við höfum yfirgripsmikla þekkingu sem nýtist við heyrnargreiningu, meðferð á heyrnarkvillum og heyrnarforvörnum.
Saga fyrirtækisins
Fyrirtækið var stofnað árið 2006 í Reykjavík. Fyrstu árin snerist starfsemin um samnorrænar rannsóknir á sviði heyrnar. Frá upphafi hefur það verið eitt megin markmið fyrirtækisins að auka á vitund almennings gagnvart heyrn. Árið 2013 opnaði fyrirtækið starfsstöð í Sigtúni 42 þar sem það er til húsa í dag.
Fyritækið sérhæfir sig í heyrnartengdri þjónustu með áherslu á forvarnir, fræðslu og ráðgjöf. Boðið er upp á sérsniðna þjónustu fyrir tónlistarmenn þar sem megin áhersla er lögð á ítarlega heyrnargreiningu, fræðslu, ráðgjöf og reglulegt eftirlit. Einnig er boðið upp á sérhæfða meðferð við eyrnasuði (tinnitus) og hljóðóþoli.
Hjá fyrirtækinu starfa einstaklingar með menntun og sérþekkingu á sviði heyrnar og tæknimála auk háls, nef og eyrnarlæknis. Fyrirtækið vinnur með fjölda sérfræðinga bæði hér á landi sem og erlendis.
Hlutverk og stefna
- Að veita góða faglega þjónustu og auka á vitund almennings gagnvart heyrninni og mikilvægi þess að vernda hana.
- Lykiláherslur fyrirtækisins eru ánægðir skjólstæðingar, öflugur mannauður, samfélagsleg ábyrgð og traustur rekstur.
- Að vera öflugt og leiðandi fyrirtæki í íslensku samfélagi þegar kemur að heyrnartengdri þjónustu.
- Að vera framsækið fyrirtæki í nýsköpun og þjónustu og hafa ríka samfélagslega ábyrgð.
- Fagmennska
- Við leggjum mikla áhersla á gæða og öryggismál.
- Við höfum metnað og leggjum okkur fram um að veita skjólstæðingum okkar góða þjónustu.
- Við aukum stöðugt á þekkingu okkar og færni með það að leiðarljósi að gera sífellt betur.
- Traust
- Við erum áreiðanleg, sanngjörn og heiðarleg og sýnum ábyrgð í okkar störfum.
- Við gætum fulls trúnaðar og tryggjum að upplýsingagjöf sé skýr.
- Virðing
- Við berum virðingu hvert fyrir öðru og leggjum áherslu og góða samvinnu.
- Við berum virðingu fyrir skjólstæðingum okkar.
- Við sýnum samfélagslega ábyrgð í verki.
